السلام عليكم ورحمة الله وبركاته
انا حبيت احط الموضوع هذا للتذكير لجميع الاعضاء .. خاصه الجدد
صراحه المنتدى بحاجه لكم قبل كل شي وبحاجه لتعاونكم .. وانتم عارفين
المنتدى بدونكم ماهو شي ..
لاكن فيه بعض الملاحظات اللي لازم نتلافها ونتحاشاها من اجل الارتقاء
الى مستوى افضل واحسن .. يعني اللخبطه اللي حاصله ((مالها داعي))
بس فيه ضوابط لازم نمشي عليها كلنا هنا واتمنى انكم تقرونها وتقبلونها
برحابتكم المعرووفه
@@@اضافة الموضوع@@@
وهذي اهم نقطه نواجها هنا .. نلاحظ ان فيه مواضيع والله زي العسل
من حلاوتها واسلوبها وفي النهايه نلقاها في الصفحه الثانيه ليش..
لان يجيك واحد ناسخه خمس مواضيع وطق مرره وحده منزلها ورا بعضها
ماعليه من احد ولا كأن فيه احد .. وهذا مانبيه اولا موضوع منقوول ومنتهي
الصلاحيه لو انه موضوع زين كان تمشي لاكن موضوع متهالك وجايب خمسه مواضيع او سته ومنزلها في وقت واحد يعني نسخ ولصق عيني عينك
وهذا مانقبله ولا نبيه
بالعربي كل عضو ماله اقصى من موضوع واحد فقط يوميا ..
يعني اللي بيزيد عنهم يسمحلنا اننا نطير الباقي دون الرجعه الى صاحب الموضوع السبب لان اعضاء
الضحك والفرفشه ماشالله مو عشره ولا عشرين ماشالله بالالووف يعني كل له حقه
ماله داعي احد يحط موضوع متعوب عليه ونلقاه في الصفحه الثالثه ولا الرابعه ومافيه الا ردين..
الزبده ... موضوع واحد فقط في اليوم غيره يسمح للمشرفين بحذف المواضيع الباقيه
دون الرجوع او الاعتذار الى صاحب الموضوع .. لانه لابد يكون ملم بالقوانين
قبل ماينزل موضوعه
ياليت تكون اكثر المواضيع من تأليف الاعضاء يعني قصص فرفشة خرافية او قصة كلها محشات في الاعضاء
او يحكي قصة رحلة فيها اسماء الاعضاء وكثروا من قصص مملكة التتار
@@الموضوع القديم@@
اللي راحت صفحاته وفجأه نلقاه راجع
نلاحظ بصراحه كثرة الشي هذا ان الموضوع في الصفحه تسعه او عشره
او اكثر وشوي الا نلقى الموضوع مرجع ليش .. ماندري
وهذا الشي مانبيه لان فيه مضايقه للمواضيع الجديده .. يعني حطيت
موضوع وراح رد ردين وصل خمسين قل ميه كله في صلب الموضوع
هذا حلوو وتشكر عليه لاكن نلقى الردود مليوون وفي النهايه اذا دخلنا
نلقاهم ثنين يسولفوون هذا مانبيه..
اللي يبي يسوولف ويدردش فيه موضوع موجود اسمه شات المتدى ..
هذا بيضل موجود وسولفوو على كيفكم فيه .. لاكن موضوع متهالك كل
شوي راجع بسبة 2 ماسكينها طول عرض وكلها وش اخبارك وش
علومك لا مانبيه ..
واذا لقينا موضوع معكر للصفحه ودخلناه ولقينا 2 يسولفون
يسمحون لنا باقفال الموضوع .. لان الموضوع خلاص راح وقته ماله
داعي كل شوي راجع .. والمواضيع الجديده تروح للصفحه الثانيه..
@@ الالفاض @@
وهذا اهم شي .. صراحه فيه نلاحظ بعض الاحيان فيه الفاض جارحه بزياده
وهذا مانبيه ابد ابد.. لان الهدف هنا اضحك وفرفش واستفد بتجرح لا اجرح برا
هنا نبي شغلنا كله ضحك وفرفشه وروح حلوه والنفس الطيبه
اللي معهوده فيكم وموجوده فيكم الحمد لله ومعظمكم ان ماكنتو
كلكم من النوع اللي نفسه
وروحه طيبه ماشالله .. يعني اضحك على فلان وذب عليه لين تدوخ
بس لاتجرحه
ولاتمسه او تمس الدين الاسلامي بشي يسوووء له ..
وكذلك الالفاض اللي تمس الكرامه والشرف وهذي بالذات مانبيها
مثل التعدي على العضوات بكلام غير لاائق .. (( اخلاقيا ))
ومثل هالالفاض راح تحذف وستخاطب الاداره بشان كاتبها وايقاف عضويته
لان حنا مسلمين وهذا مو من قيم دينا الحنيف ولا هو من عاداتنا,,,,
@@الصور@@
يمنع كتابه موضوع يتكون من صوره او (صور) بدون تعليق عليها
لازم يكتب تعليقه علشان يكتمل الموضووع ولاا سوف ننقل الموضوع للارشيف
واي موضوع مخالف للشروط للمشرفين والاداره الحق في تحرير الموضوع او تحرير الردود دون الرجوع الى العضو
